Lenong Kantoran

Duh pak… ente mau nyari orang yg kayak apa sichh?

Dikasih yang ini salah, dikasih yang itu salah.

Emang ane kaga pengalaman urusan narik2in orang, tapi ane punya otak dan ane heran liat ente yang selalu nemuin cacat di orang yang ane kasih rekomendasi.

Katanya nyari orang finance. Tapi dikasih yang udah pada pengalaman di finance, ada aje yg bikin ente il-feel. Blunder lah kalo jawab pertanyaan, kutu loncat lah, tukang ngecap lah, kaga bisa bahasa Ingg lah, kaga ada kesan apa-apa lah…

Baru pas dikasih yang ente kenal, padahal bukan pengalaman di finance, ente bilang overqualified! Ane pengen banget nanya ente, jd kualifikasinya nyang mane pak? Kok ane bisa kaga tau selama ini, ampe udah manggil orang bejibun-jibun? Yg terakhir mah saking udah kepepet, beda ama kualifikasi pun kita sodorin ke ente. Nah lho??

Jagoan ane ente kaga selera, alesan: ga bisa cas cis cus bahasa Londo, kurang punya drive. Lha pak, katanya nyari orang finance, kok sekarang nyari driver?

Akhirnya ente terpaksa ngambil jagoan ane, karena bos ente mao juga. Kata ente, inget ya, dia harus lolos probation dulu lho!

Ya elah pak, emang ente dulu waktu jadi karyawan kaga lewatin probation dulu? Trus emangnya ente kalo empet ama tu orang pas probation, bakal diem-diem aje?

Pak, kalo ente mau jaminan atas masa depan seseorang di perusahaan ini, jangan minta dari HR pak, kite2 bukan cenayang kayak mama Loren. Kaga tau pak di masa depan ada apaan. Kalo ente mau pake assessment centre, monggo aja pak, tp asal tau aja, ada biayanya, trus hasilnya paling pol juga 65%. Dan itu bukan mekanisme standar pro-hire. Kan ente mestinya ngarti, katanya dulu ente di HR.

Kalo mau ideal, emang caranya kudu kayak toko sebelah yg beda industri, rekrut anak2 yang masih mentah, masukin assessment buat seleksi, trus didik di dalem sampe jadi. Nanti kalo ada kebutuhan, bisa langsung comot dari stock yang udah ada.

Tapi masalahnya pak, toko kita kaga begitu. Kalo toko sebelah pan punya gudang, gede lagi. Toko kita kan kiosnya minimalis, kalo beli stok grosiran, mo disimpen di mane? Kita mah cocoknya ngecer pak. Kalo butuh, baru beli.

Sori ya kalo ane salah. Ane ngaku, emang kaga punya pendidikan ato pengalaman di bidang perekrutan. Cuma berusaha mikir aja, pake logika ane yang terbatas dan ngga seberapa ini.

Good night Jekardah!